Rithöfundur í heimsókn hjá 5. bekk

Í haustbyrjun færði Kristrún Guðmundsdóttir skólanum eintak af nýútkominni barnabók sinni, Appelsínugulur himinn yfir Austurbæjarskóla. Gjöfin er kærkomin þar sem undirbúningur að nýju skólabókasafni er hafinn.

Bókin er fyrsta barnabók Kristrúnar en hún hefur áður sent frá sér fjölda ljóðabóka og skáldsagna, óskáldlega matreiðslubók auk þess sem hún hefur unnið að þýðingum.

Kristrún tengist skólasamfélaginu í Myllubakkaskóla þannig að barnabarn hennar er nemandi í 5. bekk. Hún kom í heimsókn í 5. bekk í síðustu viku þar sem hún sagði frá því hvernig hún hefði skrifað bókina, ræddi við nemendur og las svo kafla úr bókinni.

Nýlega fékk skólinn afhent rými þar sem fyrirhugað er að koma upp nýju skólabókasafni. Þetta skólaár mun því meðal annars fara í að undirbúa safnið, skrásetja bækur og koma þeim fyrir þannig að til verði notalegt og aðgengilegt rými fyrir nemendur og starfsfólk.

Bók Kristrúnar verður ein þeirra bóka sem fá sinn sess í nýja safninu og verður spennandi að fylgjast með bókasafninu smám saman taka á sig mynd.

Við þökkum Kristrúnu kærlega fyrir heimsóknina, bókagjöfina og óskum henni innilega til hamingju með bókina.