Skólaheilsugæsla

Heilsuvernd skólabarna í Myllubakkaskóla er á vegum heilsugæslu HSS.

Skólahjúkrunarfræðingur er Tinna Lind Gunnasdóttir. Viðveru- og viðtalstími er eftirfarandi:

Mánudagar: 10-14

Þriðjudagar: 10-13

Miðvikudagar: 10-12

Netfang skólahjúkrunarfræðings er skolahjukrun@myllubakkaskoli.is

___________________________________________________________________________

Heilsuvernd skólabarna

Heilsuvernd skólabarna er hluti af heilsugæslunni og framhald af ung- og smábarnavernd. Markmiðið er að efla heilbrigði nemenda og stuðla að vellíðan þeirra. Starfsfólk heilsuverndar skólabarna vinnur í náinni samvinnu við forsjáraðila, skólastjórnendur, kennara og aðra sem koma að málefnum nemenda með velferð þeirra að leiðarljósi. Farið er með allar upplýsingar sem trúnaðarmál. Þjónusta heilsuverndar skólabarna er skráð í rafræna sjúkraskrá heilsugæslunnar.

Helstu áherslur í heilsuvernd skólabarna eru forvarnir, heilbrigðisfræðsla, skimanir og bólusetningar. Unnið er samkvæmt leiðbeiningum Þróunarmiðstöðvar íslenskrar heilsugæslu um heilsuvernd grunnskólabarna (Heilsuvernd skólabarna). Frekari upplýsingar um heilsuvernd skólabarna má finna hér: Heilsuvernd grunnskólabarna | Heilsuvera.

 

Hagnýtar upplýsingar

Veikindi og slys

Ef óhapp eða slys verður á skólatíma sér starfsfólk skólans um fyrstu hjálp. Þurfi nemandi að fara á heilsugæsluna eða slysadeild skulu forsjáraðilar fara með barninu. Því er mikilvægt að skólinn hafi öll símanúmer þar sem hægt er að ná í þá á skólatíma barnsins. Ekki er ætlast til að óhöppum sem gerast utan skólatíma sé sinnt af heilsuvernd skólabarna.

Langveik börn

Mikilvægt er að skólahjúkrunarfræðingur viti af börnum sem eru með fötlun eða langvinnan og/eða alvarlegan sjúkdóm, s.s. sykursýki, ofnæmi, flogaveiki, blæðingarsjúkdóma eða aðra alvarlega sjúkdóma. Hlutverk skólahjúkrunarfræðingsins er að skapa þessum börnum viðeigandi aðstæður og umönnun í skólanum í samvinnu við foreldra/forsjáraðila og starfsfólk skólans.

Lyfjagjafir - Samkvæmt tilmælum landlæknis um lyfjagjafir í grunnskólum eru sérstakar vinnureglur varðandi lyfjagjafir til nemenda á skólatíma (Tilmæli landlæknis um lyfjagjafir í skóla_uppfært23.pdf). Mikilvægt er að forsjáraðilar barna sem þurfa að taka lyf á skólatíma hafi samband við skólahjúkrunarfræðing.

Lús
Lúsin kíkir alltaf reglulega í heimsókn yfir skólaárið og því mikilvægt að foreldrar kembi hár barna sinna reglulega, t.d. vikulega. Nemendur og forráðamenn eru hvattir til að hafa samband við skólahjúkrunarfræðing um þau mál sem þau telja að heilsugæslan geti aðstoðað þau með.
www.landlaeknir.is (ýmsar upplýsingar)
http://farvellus.dk/ (myndband)

Nokkrir áhugaverðir tenglar:
www.heilsugaeslan.is
www.hss.is
www.6h.is
www.lyðheilsustod.is