Popplestur í 1. - 7. bekk

Lestrarátak var haldið hjá nemenum í 1. - 7. bekk dagana 27. apríl til 8. maí þar sem nemendur tóku þátt af miklum áhuga. Markmið átaksins var að hvetja nemendur til aukins lesturs og sýna fram á að lestur getur verið skemmtilegur.

Í átakinu söfnuðu nemendur poppbaunum fyrir þær mínútur sem þau lásu. Fyrir hefðbundnar 15 mínútur af heimalestri fengu þeir 5 poppbaunir og síðan eina baun til viðbótar fyrir hverja mínútu umfram það. Því meira sem lesið var, því fleiri poppbaunum var safnað.

Nemendur voru mjög áhugasamir og duglegir að lesa á meðan á átakinu stóð og greinilegt var að átakið vakti bæði gleði og metnað.

Í lok átaksins fjárfesti skólinn í flottri poppvél og var haldin skemmtileg uppskeruhátíð þar sem poppað var úr þeim baunum sem safnast höfðu. Nemendur nutu þar samverunnar og fögnuðu góðum árangri.

Á myndinni má sjá allar þær poppbaunir sem söfnuðust við lesturinn á þessum tveimur vikum.