Kvennafrídagurinn 2025

Vegna þátttöku kvenna í kvennaverkfallinu föstudaginn 24. október leggja konur í Myllubakkaskóla niður störf þennan dag og fellur því öll kennsla niður hjá 1. - 4. bekk, 5. - 7. bekkur er í skólanum frá kl. 8:10 - 11:10 og fær hádegismat áður en þau fara heim.

Kennsla hjá 8.-10. bekkjum raskast eitthvað en kennsla verður samkvæmt stundatöflu.

Vegna manneklu verður Frístund lokuð.

Kvennaverkfallið 24. október er liður í baráttunni fyrir jafnrétti og minnir á mikilvægi þess að standa saman gegn kynbundnu misrétti. Á þessum degi eru konur og kvár hvött til að leggja niður bæði launuð og ólaunuð störf líkt og gert var árið 1975. Verkfallið er viðbragð við bakslagi í jafnréttisbaráttunni, sem birtist m.a. í auknum tilkynningum um kynbundið ofbeldi, vaxandi launamun kynjanna og ójafnri verkaskiptingu á heimilum.