Ævar Þór heimsótti nemendur í 5.-7. bekk

Í dag fengu nemendur í 5.–7. bekk skemmtilega heimsókn frá rithöfundinum Ævari Þór Benediktssyni. Hann las upp úr nýjustu bók sinni Skólastjórinn. Hann sagði nemendum frá skrifunum og sögunni á bak við hugmyndina af bókinni.

Nemendur skólans voru til fyrirmyndar, hlustuðu af athygli og spurðu áhugaverðra spurninga. Það var greinilegt að heimsóknin kveikti bæði gleði og forvitni hjá nemendum sem fengu tækifæri til að hitta rithöfund sem margir hafa lesið bækur eftir.

Við þökkum Ævari kærlega fyrir heimsóknina.