Opið hús 22. mars kl. 12:30 - 14:00

Kæru foreldrar, forráðamenn og aðrir íbúar Reykjanesbæjar

Það hefur ekki farið framhjá þeim sem tengjast Myllubakkaskóla að skólinn hefur gengið í gegnum krefjandi tímabil sem hefur reynt á starf skólans og alla hlutaðeigandi, en metnaður starfsfólks og jákvæðni allra sem hafa komið að þessu verkefni hefur gert það léttbærara.

Myllubakkaskóli á stað í hjarta margra bæjarbúa. Við viljum því fagna hverju skrefi í átt að lokum þessa verkefnis sem og skólastarfs Myllubakkaskóla. Við höfum fengið afhentan fyrsta áfanga í þeirri uppbyggingu. Af því tilefni langar okkur að bjóða ykkur í heimsókn. Allir velkomnir á þessum tíma til að skoða skólann og það starf sem þar er innt af hendi.