List fyrir alla

Í gær komu listamennirnir Herdís Anna Jónsdóttir og Steef van Oosterhout í heimsókn í Myllubakkaskóla. Þau ganga saman undir nafninu Dúó Stemma. Nemendur í 1. - 4. bekk fengu að sjá hljóðsýninguna Heyrðu villuhrafninn mig sem er hljóðsaga um sögupersónuna Fíu frænku sem er á ferðalagi um Ísland. Hún lendir í miklu ævintýri með Dúdda, besta vini sínum. Dvergurinn Bokki, Villuhrafninn, Hrappur rappari og leiðindaskjóðan Bárðarbunga koma m.a. við sögu. Þetta er tónleikhús með fullt af áhugaverðum og skemmtilegum hljóðum, íslenskum þulum og lögum. Boðskapur sögunnar er sá að allir eiga sína eigin rödd og allir hafa sitt að segja!

Sjá má myndir í myndasafni.