Tómstundaklúbburinn hlaut hvatningarverðlaunin

Fræðsluráð Reykjanesbæjar efnir árlega til hvatningarverðlauna fyrir einstaka kennara, kennarahópa og starfsmenn í leikskólum, grunnskólum og tónlistarskóla Reykjanesbæjar. Verðlaunin eru veitt fyrir verkefni sem þykja skara fram úr og vera öðrum til eftirbreytni. 
Í gær voru þessi verðlaun afhent og hlaut starfsfólk Myllubakkaskóla verðlaunin í ár fyrir Tómstundaklúbb Myllubakkaskóla. Íris Dröfn og Ingibjörg Jóna veittu verðlaununum viðtöku fyrir hönd skólans.