Þemadagar og opinn dagur

Heilbrigt líferni

Þemadagar í Myllubakkaskóla
Dagana 21. - 23. nóvember verður hefðbundin kennsla brotin upp og haldnir verða þemadagar í skólanum. Þemað í ár er heilbrigt líferni. Nemendur vinna í aldursblönduðum hópum en þeim er skipt í yngsta stig (1.- 4. bekkur) miðstig (5.- 7. bekkur) og elsta stig (8.-10. bekkur).  Hver nemandi fer á hinar ýmsu stöðvar þessa tvo daga og vinnur margskonar verkefni.

Þessa daga mæta nemendur í sína heimastofu kl. 8:10 þar sem umsjónarkennarar taka á móti nemendum og fara yfir skipulag dagsins. Að því loknu fara nemendur svo í sína hópa og þemavinna hefst.  Miðvikudag og fimmtudag verður nemendum boðið í morgunverð í matsal skólans kl. 7:40. Boðið verður upp á hafragraut og lýsi. Hvetjum við nemendur til að nýta sér þetta!!!
Nemendur eiga að mæta í þægilegum fatnaði (fatnaði sem hentar vel til hreyfingar). Á fimmtudegi verður farið í útihreyfingu og þá þurfa allir að vera í íþróttaskóm og klæddir eftir veðri.
Þessa daga eru nemendur hvattir til að mæta með grænmeti og ávexti í nesti.
Mæta skal með lítinn bakpoka fyrir pennaveski og nesti. Mikilvægt að merkja bakpokann vel því hann mun fylgja þeim á allar stöðvar.

Opinn dagur
Opinn dagur verður föstudaginn 23. nóvember. Nemendur mæta kl 8:10 í sínar heimastofur. Milli kl. 10:00 og 11:10 er opinn skóli og er foreldrum og öðrum gestum boðið að koma og skoða afrakstur þemadaganna. Ýmsar uppákomur verða og skólinn mun iða af lífi. Skóla lýkur kl. 11:10 þennan dag. Skólamatur býður öllum nemendum skólans hádegismat áður en þeir fara heim. Frístundaskólinn verður opinn til kl. 16:00 fyrir þá nemendur sem eru skráðir í hann.