Stóri drekinn!

Nemendur á yngsta stigi, fyrsti til fjórði bekkur, tóku þátt í lestrarátaki í vor. Lestrarátakið stóð yfir í tvær vikur. Þessa daga lásu nemendur meira en venjulega bæði í skólanum og heima. Nemendur fengu stimpil á blað í stofunni sinni fyrir ákveðinn fjölda lesinna blaðsíðna og viðurkenningarskjal í lokin. Þeir skrifuðu einnig á miða hvaða bækur þeir lásu og allir miðarnir voru svo
settir saman í flottan dreka sem er á ganginum. Það er gaman að sjá hvað drekinn varð stór og langur.