Starfsgreinakynning

Mánudaginn 3. febrúar var haldin starfsgreinakynning í Íþróttahúsinu við Sunnubraut. Þar voru u.þ.b. 50 og 60 starfsgreinar kynntar af heimafólki. Um var að ræða nokkurs konar sýningu í íþróttasalnum þar sem nemendur gátu fengið fræðslu um eðli starfanna, menntun og fleira. Nemendur 9. og 10. bekkja Myllubakkaskóla heimsóttu kynninguna um morguninn og svo komu nemendur 7. og 8. bekkja með kennurum sínum eftir hádegið. Góður rómur var gerður að kynningunni og var tilgangur hennar m.a. að vekja nemendur til umhugsunar um framtíðaráform sín, menntunarmöguleika og fjölbreytni í störfum á Suðurnesjum.

Sjá má myndir í myndasafninu á heimasíðunni.