Skólaþing

Nemendur 10.bekkjar sóttu Skólaþing fyrr í vikunni. Nemendur umbreyttust í þingmenn og gengu í stjórnmálaflokka eins og Jafningjabandalagið og Hagsældarflokkinn og afgreiddu lög um kattahald, herskyldu og tölvueftirlit. Markmiðið með heimsókninni var að nemendur fengju innsýn í störf þingmanna og ferlið sem á sér stað við lagasetningu. Eftir að þingstörfum var lokið var haldið í Keiluhöllina þar sem nemendur, Ingólfur og Júlía sýndu hæfileika sína í keilu og náðu hverri fellunni á fætur annarri. Þetta var góð ferð með skemmtilegum krökkum sem voru til fyrirmyndar í alla staði.

Sjá má nokkrar myndir í myndasafninu.