Skólaslit Myllubakkaskóla

Myllubakkaskóla var slitið miðvikudaginn 6. júní. Steinar Jóhannsson skólastjóri fór yfir starf vetrarins og Eva Björk Sveinsdóttir aðstoðarskólastjóri veitti viðurkenningar. Alma Vestmann talaði til 10. bekkinga og Katla Guðbjörg Gunnarsdóttir formaður nemendaráðs flutti skemmtilega kveðjuræðu fyrir hönd 10. bekkinga. Nemendur úr Tónlistarskóla Reykjanesbæjar fluttu hljómfagran hljóðfæraleik og nokkrar stúlkur sungu yndislega fyrir viðstadda. Minningarsjóður Vilhjálms Ketilssonar veitti nokkrar viðurkenningar og má þar nefna viðurkenningu fyrir góðan námsárangur á lokaprófi úr grunnskóla en þau verðlaun hlutu Margrét Dagmar Loftsdóttir og Katla Guðbjörg Gunnarsdóttir.

Smellið hér til að sjá allar viðurkenningar frá skólaslitunum.