Skemmtilegt jólaskákmót - Gísli Freyr bar sigur úr býtum

Samsuð og Krakkaskák.is héldu árlegt jólaskákmót í gær. Að þessu sinni var það haldið í Grunnskóla Grindavíkur og var fyrir öll börn á Suðurnesjasvæðinu. Þátttaka var góð en keppt var með skákklukkum með 10 mínútna umhugsunartíma.  Keppt var í tveimur aldursflokkum, annars vegar 7-10 ára og hins vegar 11-16 ára. Hart var barist við skákborðin og sáust mörg glæsileg tilþrif. Megintilgangur með mótinu var að fá krakkana til að vera með.  Gísli Freyr Pálmarsson nemandi í 9. ÞG Myllubakkaskóla bar sigur úr býtum í eldri flokki drengja.

Eldri flokkur drengja:

1. Gísli Freyr Pálmarsson, Myllubakkaskóli.
2. Ólafur Freyr Sigurbjargarson, Grunnskóli Grindavíkur.
3. Magnús Snær Dagbjartsson, Sæmundarskóli.