Setning ljósanætur og skertur dagur

Á morgun fimmtudag verður setning Ljósanæturhátíðar við Myllubakkaskóla. Nemendur fara í skrúðgöngu og ganga stuttan hring í hverfinu og síðan mætast allir grunnskólar bæjarins ásamt elstu börnum leikskólans við Myllubakkaskóla klukkan 10:30 þar sem stutt dagskrá fer fram. Mikilvægt er að nemendur séu klæddir eftir veðri og ef nemendur eiga eitthvað rautt þá endilega koma í því þar sem rauði liturinn er okkar litur.

Á föstudaginn er skertur nemendadagur og þá eru nemendur í skólanum til 10:30. Ekki er matur fyrir nemendur þennan dag. Frístundaskólinn er opinn og þeir sem eru skráðir þar fá auðvitað hádegismat frá Skólamat.