Norræna bókasafnsvikan

Í dag hófst Norræna bókasafnsvikan en hún er haldin hátíðleg í 16. sinn. Þema ársins er Margbreytileiki á Norðurlöndunum. Norræna bókasafnavikan er haldin til að kasta birtu á norræna frásagnahefð og bókmenntir. Í heila viku er boðið upp á upplestra, sýningar, umræður og aðra menningaratburði á þúsundum bókasafna, skóla og samkomustaða um öll Norðurlöndin og Eystrasaltið. Líkt og undanfarin ár tökum við hér í Myllubakkaskóla þátt. Við áttum hugljúfa stund í skólanum í morgun þar sem við slökktum rafljósin, kveiktum á kertum og kennarar lásu fyrir nemendur við kertaljós. Við það skapaðist notaleg stemming.