Mylluvísjón 2022

SKRÁNING Í MYLLUVÍSJÓN 2022 ER HAFIN!

Mylluvísjón er söngkeppni nemenda Myllubakkaskóla. Hún er haldin árlega og hefur alltaf notið mikilla vinsælda. Í fyrra hins vegar féll keppnin niður út af sottlu en nú er komið að keppninni þetta árið. Hún verður haldin í Frumleikhúsinu FÖSTUDAGINN 13. MAÍ NÆSTKOMANDI.

Keppnin er fyrir nemendur í 3. – 10. bekk og er keppt í tveimur aldursflokkum. Keppendur geta sungið sóló eða fleiri saman, þó aldrei fleiri en 4. Hver keppandi þarf að velja sér lag og syngja það við undirspil án söngs/radda. Það er hægt að finna flest öll undirspil erlendra laga á netinu og sumra íslenskra  (instrumental – karaoke) en eins er stundum hægt að finna þetta á Spotify eða öðrum stöðum. Að sjálfsögðu er líka í boði að vera með “live” undirspil.

Þeir sem ætla sér að taka þátt byrja núna á að skrá sig,  velja sér svo lag og fara að æfa sig. Fimmtudaginn 12. maí verða keppendur svo boðaðir á eina stutta æfingu þar sem þeir fá að prófa að syngja í míkrafóninn, máta sviðið og spjalla við aðstandendur keppninnar.  

Við hvetjum alla söngelska nemendur til að taka þátt í keppninni!

Skráning er hafin og síðasti skráningadagur er miðvikudagurinn 11. maí. 

Hvernig skráir maður sig?

Best er að senda tölvupóst á Írisi kennara en það er líka möguleiki að láta kennarann sinn hafa samband við hana.

iris.d.halldorsdottir@myllubakkaskoli.is

Með von um frábæra þátttöku!