Luktarsmiðja í Myllubakkaskóla á þrettándanum

Þrettándinn verður haldinn hátíðlegur í Reykjanesbæ sunnudaginn 6. janúar 2019. 

Boðið verður upp á skemmtilega luktarsmiðju í Myllubakkaskóla frá kl. 15:30 -17:00. Fólk tekur með sér krukku að heiman sem hægt verður að breyta í fallega lukt til að taka með sér í blysförina frá Myllubakkaskóla að hátíðarsvæði á Hafnargötu. Allt efni og ljós (fyrir utan krukkuna sjálfa) fæst á staðnum. Verð fyrir efni er 300 krónur og greiðist með peningum á staðnum. Gengið er inn um inngang við Suðurtún. Allir velkomnir.

Klukkan 17:00 verður gengið frá Myllubakkaskóla í fylgd álfadrottingar, álfakóngs og hirðar þeirra að hátíðarsvæði við Hafnargötu 8. Sjá nánari dagskrá hér.