Lokahátíð Stóru upplestrarkeppninnar

Í dag fór fram lokahátíð Stóru upplestrarkeppninnar í Reykjanesbæ og Sandgerði þar sem 14 nemendur úr sjö skólum tóku þátt. Keppendur Myllubakkaskóla voru Sæþór Elí og Klaudia og gerði Sæþór sér lítið fyrir og sigraði keppnina. Báðir keppendur okkar stóðu sig sérlega vel og voru skólanum til mikils sóma. Sigurvegari keppninnar í fyrra, okkar nemandi Bergrún Dögg, kom og las kynningartexta og gerði það mjög vel. Gaman er að geta þess að Sæþór og Bergrún eru systkini, bæði stútfull af hæfileikum. Eftir að allir keppendur höfðu lesið kom Mateja, nemandi okkar, og flutti ljóð á móðurmáli sínu sem er króatíska. Það var mjög vel flutt og var skemmtilegt uppbrot á dagskrá keppninnar. Nokkrir aðrir nemendur skólans tóku þátt í tónlistarflutningi á hátíðinni. Kamilla Ósk Jensdóttir, Holtaskóla var í öðru sæti og Krista Gló Magnúsdóttir, Njarðvíkurskóla í því þriðja. 

Flottur dagur hjá Myllunemendum! Áfram Myllubakkaskóli! 

Kamilla Ósk, Sæþór Elí og Krista Gló.

Mateja, Sæþór Elí og Klaudia

Bergrún Dögg og Sæþór Elí

Keppendur á lokahátíðinni

Sjá má fleiri myndir í myndasafni.