Litla upplestrarkeppnin

Föstudaginn 19. apríl var Litla upplestrarkeppnin haldin í fjórða bekk. Keppnin er litla systir Stóru upplestrarkeppninnar í sjöunda bekk og eru markmið og áherslur þær sömu. Nemendur hafa í vetur lagt mikla vinnu í að æfa skýran og vandaðan lestur og að lesa í pontu. Keppnin sem haldin var er einskonar uppskeruhátíð. Allir nemendur árgangsins tóku þátt og lásu bæði texta og ljóð. Textana lásu þau hvert á eftir öðru en ljóðin lásu þau í hópum, tvö til tólf saman í einu. Allir nemendurnir tóku verkefnið alvarlega og voru duglegir að æfa sig og allir voru sigurvegarar þar sem markmiðið var að hver og einn gerði sitt besta og bætti sig.
Nemendur sungu líka og léku á hljóðfæri. Þegar formlegri dagskrá lauk buðu nemendur foreldrum og öðrum gestum upp á veitingar. Þetta var ofsalega hátíðleg og skemmtileg stund og má með sanni segja að nemendur í fjórða bekk hafi staðið sig með prýði í þessu verkefni.

Fullt af myndum í myndasafni.