Krufning í 9. bekk

Miðvikudaginn síðastliðinn krufðu nemendur í 9. bekk brjóstholslíffæri úr svíni. Krufningin var unnin í tengslum við námsefnið í Mannslíkamanum þar sem þau hafa verið að fjalla um líffærakerfi mannsins. Í krufningunni skoðuðu nemendur m.a. lungu, hjörtu, barka og lifur. Byrjað var  á því að skoða lungun, þau blásin upp með slöngu og það vakti mikil viðbrögð þegar lungun fóru allt í einu að anda og blésu jafnvel á móti. :)  Uppbygging hjartans var skoðuð og sást greinilega vöðvamismunurinn á hægri og vinstri helming hjartans. Það var líf og fjör í þessum tíma, nemendurnir voru virkir og áhugasamir um það sem fram fór og virtust hafa bæði gagn og gaman af.

Sjá má myndir í myndasafninu.