Íþróttadagur

Miðvikudaginn 31. maí verður íþróttadagur í Myllubakkaskóla. Þá mæta nemendur klæddir eftir veðri og hafa með sér nesti (drykk líka) sem verður borðað um kl. 9:15.
Nemendur mæta í heimastofur og fara síðan með starfsfólki í hina ýmsu hreyfingu. Um kl. 11:30 mætir sirkus á svæðið í boði foreldrafélagsins og er þá foreldrum velkomið að bætast í hópinn. Kl. 12:15 byrjum við að grilla. Foreldrafélagið býður upp á pylsur og pylsubrauð og skólinn verður með tómatsósu, sinnep og steiktan lauk. Nemendur koma með drykk fyrir grillið. Um kl. 13:00 er skóla lokið og frístundaskólinn opinn.