Íþróttadagur

Á morgun föstudag, 3. júní verður íþróttadagur í Myllubakkaskóla. Þá mæta nemendur klæddir eftir veðri og hafa með sér nesti (drykk líka) sem verður borðað um kl. 9:15 og pylsu(r), pylsubrauð og drykk til að gæða sér á í hádeginu þegar verður grillað. 
Þennan dag mæta nemendur í heimastofur og fara síðan með starfsfólki í hina ýmsu hreyfingu. Um kl. 11:45 byrjum við að grilla og er þá foreldrum velkomið að bætast í hópinn. Boðið verður upp á tómatsósu, sinnep og steiktan lauk. Um kl. 12:30 mætir sirkus á svæðið í boði foreldrafélagsins. Eftir sirkusinn er skóla lokið og frístundaskólinn opinn.