Íþróttadagur / starfsdagur

Íþróttadagur Myllubakkaskóla verður mánudaginn 4. júní.  Nemendur mæta í heimastofur kl. 8:10 þar sem tekið verður manntal og farið yfir hvað er í boði.  Um kl. 8:30 verður gengið af stað í skrúðgöngu að Reykjaneshöllinni.  Þar verður hægt að taka þátt í ýmsum þrautum og leikjum eins og t.d. húllakeppni, boccia, frisbee, hreystigreip, armbeygjum og mörgu öðru.  Hoppukastali verður á staðnum.  Eftir þrautirnar verður keppni á milli árganga þar sem keppt verður í ýmsum greinum.  Verðlaun verða veitt fyrir íþróttaárgang Myllubakkaskóla á yngsta, mið og elsta stigi.  Áætlað er að dagskrá ljúki kl. 11:30 í Reykjaneshöllinni og fara nemendur þá aftur í Myllubakkaskóla þar sem verðlaunaafhending fer fram og pylsur verða grillaðar fyrir þá sem vilja.  Nemendur koma sjálfir með pylsur, brauð og drykk (má koma með gos).  Boðið verður upp á tómatsósu, sinnep, remúlaði og steiktan lauk.  Áætlað er að skóla ljúki kl. 13:10.  Foreldrar eru hjartanlega velkomnir.  Frístundaskólinn er opinn fyrir þá nemendur sem eru skráðir.

Þriðjudaginn 5. júní verður starfsdagur hjá starfsfólki Myllubakkaskóla.  Þann dag er engin kennsla og enginn frístundaskóli.