Gaf skólanum æfingatæki fyrir Skólahreysti

Ingibjörg Sól Guðmundsdóttir fyrrum nemandi Myllubakkaskóla kom færandi hendi í skólann í dag.  Inga Sól var í skólahreystiliði Myllubakkaskóla sem náði mjög góðum árangri í keppninni í fyrra.  Inga Sól afhenti skólanum upphífinga - og hreysigreipatæki, dýfutæki og armbeygjutæki.  Þessi gjöf mun gera nemendum í hreystivali kleift að æfa af krafti í íþróttahúsinu við Myllubakkaskóla.  Skólinn vill koma á framfæri kærum þökkum fyrir þessa höfðinglegu gjöf.  Á meðfylgjandi mynd er Inga Sól ásamt nokkrum nemendum úr hreystivali og kennurum þeirra þeim Guðjóni Árna og Hildi Maríu.