Frábærum þemadögum lokið

Frábærum útikennsludögum / þemadögum Myllubakkaskóla lauk föstudaginn 28. febrúar.  Það er ekki hægt að segja annað en að vel hafi tekist til í alla staði.  Nemendur nutu sín á öllum stöðvum, eitthvað var um foreldra sem kíktu á stöðvar á föstudaginn og tóku þátt með börnum sínum og svo má ekki gleyma því að veðrið var okkur hliðhollt alla dagana.  Myllubakkaskóli fékk formlega afhentan Miðtúnsróló á föstudaginn sem verður að hluta útbúinn sem útikennslusvæði fyrir skólann.  Stjórnendur vilja þakka nemendum, starfsmönnum, bæjaryfirvöldum og foreldrum fyrir flotta daga.