Desember

Desember hefur verið skemmtilegur og hátíðlegur hjá okkur hér í Myllubakkaskóla. Við höfum skreytt skólann hátt og lágt og hver gangur er með jólaþema sem setur skólann í hátíðlegan búning.
Rithöfundar hafa verið að koma í heimsókn og gleðja nemendur með upplestri og hafa þeir haft á orði hve kurteisir nemendur okkar eru.
Í dag er aðventustund á sal þar sem nemendur koma fram og leika og syngja hver fyrir annan og á miðvikudaginn ætla nemendur að ganga um skólann með umsjónarkennara og skoða skreytingarnar í skólanum. Við ætlum líka að snæða jólamat á miðvikudaginn og þeir nemendur sem ekki eru í áskrift fengu tækifæri til að kaupa staka máltíð.

Foreldri kemur í heimsókn á fimmtudaginn með gítar og ætlar að syngja jólalög með nemendum og á föstudaginn eru litlu jólin en í ár ákváðu kennarar að sleppa jólakortunum á milli nemenda og hvert stig ákvað hvernig skipulagið með jólapakkana yrði háttað. Nemendur mæta klukkan 9:00 í skólann á föstudaginn og eru til 11:00. Frístundaskólinn er ekki starfræktur þennan síðasta skóladag fyrir jól.

Fyrsti skóladagur eftir jólafrí er mánudagurinn 5. janúar 2015 samkvæmt stundaskrá.