Ágóði tónleikanna "Gamli skólinn minn" afhentur

Tónleikahaldarar tónleikanna Gamli skólinn minn, sem voru haldnir í Andrews Theatre 1. apríl, komu færandi hendi í skólann miðvikudaginn 23. maí. Þeir afhentu góðan pening í minningarsjóð Vilhjálms Ketilssonar. Sigrún Ólafsdóttir ekkja Vilhjálms, börn hans og barnabörn voru viðstödd og lofaði Sigrún að peningunum yrði varið í góða hluti fyrir skólann. Við þessa athöfn sungu nemendur tengdir skólanum tvö yndisleg lög.