Aðalfundur FFM

Aðalfundarboð FFM

Góðan dag foreldrar barna í Myllubakkaskóla.
Nú er komið að aðalfundi hjá Foreldrafélagi Myllubakkaskóla (FFM) sem haldinn verður miðvikudaginn 7.maí klukkan 20:00 í matsal skólans. Við viljum hvetja foreldra til að taka þátt í starfi foreldrafélagsins. Það er mjög vel séð ef einhver vill bjóða sig fram í stjórn félagsins. Það er bæði hægt á fundinum sjálfum og einnig með því að hafa samband við einhvern úr stjórn félagsins fyrir fundinn (sjá nánari upplýsingar um hvernig hægt er að hafa samband við stjórnarmeðlimi FFM á heimasíðu Myllubakkaskóla).

Dagskrá fundarins:
1. Kynning á starfsemi vetrarins
2. Gjaldkeri leggur fram ársreikning
3. Ný stjórn
4. Félagsgjöld fyrir næsta skólaár ákveðin
5. Önnur mál

FFM hefur staðið fyrir eða komið að eftirfarandi á skólaárinu:
* Fundur með bekkjafulltrúum 15.nóvember 2013
* Morgunmatur fyrir samræmd próf
*Jólaföndur sem haldið var 5.desmber 2013
* „Ég og þú“ verkefni fyrir 1. og 2. bekk 6.mars 2014
* „Ég og þú“ verkefni fyrir 3. og 4. bekk 13.mars 2014
* Fyrirlestur um sjálfsstyrkingu og markmiðasetningu fyrir 5. og 6. bekk 21.mars 2014
* Fyrirlestur um sjálfsstyrkingu og markmiðasetningu fyrir 7. og 8. bekk 21.mars 2014
* Blóm fyrir 10.bekk
* Rútur á skólahreysti
* Styrkur fyrir 10. bekkjar ferðarlag

Verkefnið: „Ég og þú, þú og ég, við tvö saman“, var nýtt hjá FFM á þessu ári. En það sem var boðið upp á þetta skólaár var: Steinamálun, íþróttir, óvissu föndur og spil. Ríflega 50 börn í 1.-4. bekk tóku þátt auk foreldra. Ekki bar á öðru en að almenn ánægja hafi verið hjá þeim sem sóttu. Hér má sjá myndir frá þessum kvöldum.