Sigur í Stóru upplestrarkeppninni!

Í gær var lokahátíð Stóru upplestrarkeppninnar haldin í Hljómahöll. Keppendur voru fjórtán, tveir frá hverjum skólanna sjö í Reykjanesbæ. Stóra upplestrarkeppnin fagnar 25 ára afmæli í ár og er fyrir löngu orðin stór og mikilvægur hluti af skólastarfi flestra skóla. Fulltrúar Myllubakkaskóla voru þær Bryndís Björk Guðjónsdóttir og Guðný Kristín Þrastardóttir. Þær stóðu sig frábærlega og Guðný Kristín stóð uppi sem sigurvegari í keppninni. Í öðru sæti var Kristín Björk Guðjónsdóttir nemandi í Njarðvíkurskóla og í því þriðja Rúna María Fjelsted úr Holtaskóla.

Guðný Kristín og Bryndís Björk lásu mjög vel og sýndu mikið öryggi enda búnar að vera mjög duglegar að æfa sig. Bekkjarfélagar stelpnanna, þau Anika Owczarska og Jakob Piotr Grybos, fluttu tónlistaratriði á hátíðinni. Anika spilaði á þverflautu en Jakob á píanó dúett með fiðlu. Flutningur þeirra var til mikillar fyrirmyndar.

Við óskum þessum duglegu og hæfileikaríku krökkum innilega til hamingju með árangurinn. Þau eru skólanum til mikils sóma.

Bryndís Björk og Guðný Kristín

                      Anika                                                     Jakob Piotr