Opinn dagur í kjölfar þemadaga

Þemadagarnir hafa gengið vel hjá okkur undanfarna tvo daga. Nemendur hafa gert ýmislegt í tengslum við vináttu og samvinnu s.s. farið í leiki, þrautir, málað, teiknað, skrifað, búið til vinabönd og margt fleira.
Foreldrum og öðrum gestum er boðið í heimsókn á morgun föstudag á milli kl. 12:00 - 13:10. Við byrjum fjörið kl. 12:00 með danspartý fyrir aftan skólann og skorum á ykkur að koma og taka þátt. Meðal annars ætla nemendur í 1. og 2. bekk að kenna öllum dans sem þeir lærðu. Eftir danspartý er kjörið að ganga um skólann, skoða og prufa ýmislegt sem er í boði. Skóla lýkur kl. 13:10 og viljum við biðja foreldra þeirra barna sem eru í frístund að láta Rósu eða Lóu ritara vita ef nemandi fer heim með foreldrum.

Hlökkum til að sjá sem flesta