Varðliðar umhverfisins
Nemendur í 5. og 6. bekk Myllubakkaskóla fengu viðurkenninguna Varðliðar umhverfisins fyrir þátttöku í verkefnasamkeppni umhverfis, - orku og loftslagsráðuneytisins fyrir verkefni sem þau gerðu í smiðjum hjá kennurunum Gunnhildi Þórðardóttur og Guðbjörgu Rúnu Vilhjálmsdóttur.
Keppninni er ætlað að hvetja ungt fólk til góðra verka í umhverfisvernd, vekja athygli á sýn ungs fólks á umhverfismálum og kalla eftir leiðsögn yngri kynslóðarinnar á því sviði.
Verkefnin máttu vera af fjölbreyttum toga en þurftu að fylla ákveðin skilyrði hvað varðar sjálfbærni auk þess að tengja þau við heimsmarkmið Sameinuðu þjóðanna. Verkefnin þurftu enn fremur að hafa tengsl við nám barnanna og þverfaglegt skólastarf.
5. bekkur vann verkefni sem heitir Skjól og var unnið úr umhverfisvottuðu afgangstimbri þar sem nemendur þurftu að búa til sitt eigið hús sem skapaði síðan borg.
Nemendur í 6. bekk unnu verkefnið Umhverfi í krukku þar sem þeir þurftu að skoða loftslagsumræðuna og ákveða hverju þeir vildu bjarga frá útrýmingarhættu s.s. dýr, planta, minning osfrv.
Hér má sjá myndir af vinnu nemenda.
Myllubakkaskóli er hnetulaus skóli
Myndirnar sýna dæmi um hnetur eða mat sem inniheldur hnetur. Þær geta leynst í ýmsum öðrum matvörum.
