Skólastarf með breyttu sniði

Vegna hertra aðgerða almannavarna verður skólastarf með breyttu sniði frá og með 3. nóvember til og með 17. nóvember. Þetta eru 10 skóladagar þar sem að 4. nóvember er starfsdagur og nemendur ekki í skólanum.
    Skóladagurinn hjá 1. - 4. bekk verður frá 8:10 - 13:10 eins og venjulega þó að stundatafla sé ekki hefðbundin innan þess tíma. Stundatafla hjá 5. - 10. bekk verður ekki hefðbundin. Öllum bekkjum frá 5. - 10. bekk verður skipt upp í tvo hópa. Fyrri hópurinn mætir 8:10 - 10:40 og seinni hópurinn mætir 11:10 - 13:40. Umsjónarkennari sendir hópaskiptingu og tímasetningu í dag til foreldra/forráðamanna.

Skólamatur:
Þeir sem eru í áskrift í 5. - 10. bekk fá innpakkaða máltíð í skólanum sem þeir taka með sér heim. Nemendur í 1. og 2. bekk fá heitan mat framreiddan á sal og nemendur í 3. og 4. bekk fá innpakkaða máltíð sem þeir borða í kennslustofum.

Íþróttahús og sundlaug eru lokuð.

Enginn grautur verður á þessu tímabili.

Frístundaheimilið verður opið fyrir nemendur í 1. -3. bekk sem eru skráðir þar. Frístund verður frá 13:10 - 15:30. Enginn frístund verður fyrir 4. bekk á meðan þetta ástand varir. Foreldrar hringja í frístundasíma 616 0025 þegar þeir sækja barnið sitt.