Námsmaraþon í 7. bekk

Föstudaginn 13. september síðast liðinn tóku nemendur í 7.HJ sig til og voru með námsmaraþon í skólanum. Nemendur höfðu gengið um Myllubakkaskólahverfið og safnað áheitum og var þeim vel tekið í hverfinu og safnaðist dágóð upphæð sem nemendur ætla að nýta til þess að greiða fyrir skólaferðalag á Reyki í Hrútafirði í nóvember.
Nemendur mættu í skólann kl. 8:10 til 14:00 eins og alla aðra föstudaga en í stað þess að fara heim héldu þau áfram að vera í skólanum til kl. 20:00 um kvöldið.
Nemendur lærðu bæði íslensku og stærðfræði en einnig fóru þau í sund, slökun, jóga og hugleiðslu. Þau voru með pizzuveislu og enduðu svo frábæran dag á því að skora á foreldra sína í Brennó og skotbolta í lok maraþonsins. Rúmlega 20 foreldrar mættu og öttu kappi við börnin sín og skemmtu allir sér konunglega.  

Myndir frá þessu skemmtilega námsmaraþoni má sjá hér.