Haustmót miðstigs í körfubolta
Í lok vikunnar fór fram haustmót miðstigs í körfubolta þar sem heil 12 lið öttu kappi í tveimur 6 liða riðlum. Nemendur úr 5.-7. bekk voru í aðalhlutverki á fjölum íþróttahússins í Myllubakkaskóla og sáust mörg glæsitilþrif.
Í flokki stúlkna var það 7. bekkur sem stóð uppi sem sigurvegari. Liðið var einnig í skemmtilegustu búningum mótsins og máttu vera glaðar með gullið eftir harða keppni við tvö lið úr 6. bekk sem skiptu með sér silfri og bronsi.
Í flokki drengja voru það einnig 7. bekkingar sem hrósuðu sigri eftir að hafa farið í gegnum allt mótið ósigraðir. Þrír drengir sem mynduðu lið frá 6. bekk lentu í 2. sæti og í því þriðja var sprækt lið 5. bekkinga sem komu skemmtilega á óvart og náðu í brons.
Mikil stemmning var í íþróttasalnum á meðan á mótinu stóð og allir skemmtu sér hið besta í vel heppnuðu og drengilega spiluðu móti.
Myllubakkaskóli er hnetulaus skóli
Myndirnar sýna dæmi um hnetur eða mat sem inniheldur hnetur. Þær geta leynst í ýmsum öðrum matvörum.