Fjölþjóðadeild
fyrir nemendur með íslensku sem annað mál
Nemendur með annað móðurmál en íslensku hafa ólíkan menningarlegan, mállegan og námslegan bakgrunn. Þessir nemendur hafa því misjafnar forsendur til að takast á við nám í íslenskum skólum. Kennsla í íslensku sem öðru tungumáli þarf að taka mið af stöðu nemenda í námi. Viðfangsefni íslenskukennslunnar eru samræmd og samhæfð öllum námsgreinum. Tvítyngi hefur jákvæð áhrif á vitsmunaþroska þegar báðum tungumálunum er viðhaldið. Börn, sem alast upp við tvö tungumál samtímis eða læra nýtt tungumál á grunnskólaaldri og viðhalda jafnframt móðurmálinu, lestri, ritun, tali o.s.frv., eru vel í stakk búin til að takast á við nám á hvoru máli fyrir sig.

Deildarstjóri er Svana A. Daðadóttir
Kennari við deildina er Stefanía María Júlíusdóttir